New

Праски, ҫын кӗнине сиссе пулмалла, куҫне уҫнӑ, унӑн ырханланнӑ пичӗ ҫутӑлса кайнӑ.

Пролог // Трубина Мархви. Трубина М. Ача чухнехи. Повесть. Калавсем. — Шупашкар, Чӑваш кӗнеке издательстви, 1981. — 288 с. — 3–192 с.

Шурӑ тӑла сырнӑ урисемпе хуллен пускаласа, карчӑк тӗпелелле иртнӗ, аллинчи куркана сӗтел ҫине лартнӑ.

Аллинче — купӑста ҫулҫипе витнӗ йывӑҫ курка.

Ҫав вӑхӑтра пӳрте тӗрӗллӗ шурӑ кӗпе тӑхӑннӑ, пуҫне сурпанпа чалма ҫыхнӑ пӗчӗк карчӑк пырса кӗнӗ.

Шыв ӑшӑниччен кӑшт выртам-ха тесе, Праски ачи ҫумне выртнӑ.

Вучахра кӑвайт ялкӑшса ҫуннӑ.

Хӑй, ачана чӑпӑл тӑвас тесе, вучаха хуранпа шыв ҫакса янӑ, кӗлете тухса ача кипки валли шурӑ кӗпе ҫӗтӗкӗ, такана илсе кӗнӗ.

Пӳрте кӗрсен, Праски ачине тӗпелти сак ҫине вырттарнӑ.

Хӑй лашине ана ҫине каялла чуптарнӑ, сӗлле вырса пӗтерсе турттарсах килесшӗн пулнӑ.

Киле ҫитсенех, Мӗтри хунӗ патне васкаса кайнӑ, хунямӑшне Праски ҫӑмӑлланни ҫинчен пӗлтернӗ.

Пуҫне усса тӑракан лаша, хуҫи турткаласанах, утса кайнӑ, ҫул ҫине тухсан, юрта пуҫланӑ.

Мӗтри арӑмне сӑхман тӑхӑнтарнӑ, урапа ҫине ларма пулӑшнӑ.

Арӑмӗ ачана саппунпа чӗркесе умма тытнӑ, чӗркуҫленнӗ ҫӗртен аран-аран тӑрса, урапа патнелле хуллен утса пынӑ.

Эх, мӑнтарӑн пурнӑҫӗ…

Турӑ пӳрменнине илес ҫук.

— Ан йӗр, — тенӗ Мӗтри, арӑмне те, ачине те хӗрхенсе, — чӗрке хӑвӑртрах мӗнпе те пулин.

Куҫӗнчен пӑрҫа пек шултра куҫҫулӗ тухса ача кӑкри ҫине пӑт-пӑт тумланӑ.

Ӗҫпе хытнӑ аллисем чӗтренӗ.

Чӗркуҫленсе ларнӑ амӑшӗ, хӑйӗн пиҫиххине татса, ача кӑвапине ҫыхма тытӑннӑ.

Хӑмӑллӑ хура тӑпра ҫинче калӑп пек пӗчӗкҫӗ ырхан ача выртнӑ.

Страницăсем:

Corpus of the Chuvash language