New

Гаврила чиркӳ чӳречисем валли решетке тӑвать иккен.

Чиркӳ тума пуҫлани // Трубина Мархви. Трубина М. Ача чухнехи. Повесть. Калавсем. — Шупашкар, Чӑваш кӗнеке издательстви, 1981. — 288 с. — 3–192 с.

Вӑл мӗн ӗҫленине эпӗ пиччерен ыйтса пӗлтӗм.

Унта Гаврила кунӗ-кунӗпе вӗркӗчне кӗрлеттерет, сунтал ҫинче хӗлхем сирпӗтсе, тимӗр шаккать.

Кирпӗч куписем хыҫӗнче хӑмапа ҫапса тунӑ хӳтлӗх пур.

Рабочисен аллинче ӗҫ ӳсӗнсех пырать: кирпӗч ҫумне кирпӗч хӑвӑрт выртать, стенасем куллен-кун хӑпараҫҫӗ.

Никӗсӗ валли ҫӗр чавнӑ чух кунлӑн ӗҫленӗ хамӑр ял ҫыннисем халь рабочисем валли известь, кирпӗч йӑтса тӑраҫҫӗ.

Акӑ, рабочисем чиркӳ стенисене купалама тытӑнчӗҫ.

Ытти урамсенчен те ачасем пыраҫҫӗ, эпир вӗсемпе пӗрлешсе кирпӗч куписем хушшинче пытанмалла вылятпӑр.

Анук, йӑмӑкӗсене пӑхса, час-часах килте ларать.

Урамра выляс вырӑнне эпир Ҫемукпа унта чупатпӑр.

Чиркӳ пирӗн патӑртан инҫе мар.

Пирӗн аппа та унта ӗҫлеме каясшӑнччӗ, анчах вырӑсла пӗлменнипе каймарӗ.

Макаров вӗсене кун укҫи вунпилӗк пус пама пулнӑ.

Вӗсемпе пӗрле хамӑр ял ҫыннисем те ӗҫлеме пуҫларӗҫ.

Тепӗр кун, пуп халӑха пухтарса кӗлтунӑ хыҫҫӑн, вырӑссем кивӗ чиркӳпе юнашар ҫӗр чавма тытӑнчӗҫ.

Вӗсен шучӗ ҫӗр ҫынтан та ытла.

Лешсем вара, япалисене йӑтса, хӑшӗ чиркӳ пӳртне кӗчӗҫ, хӑшӗ, Макаров кӑтартнипе, ҫывӑхри урамри килсене утрӗҫ.

Макаров рабочисем патне пычӗ те темӗн каларӗ.

Пурте вӗсем килте тӗртсе тунӑ кӗпе-йӗмпе; урисенче — хулӑн пир тӑла тата лапка пуҫлӑ ҫӑпата.

Вӗсем пит ывӑннӑ пулмалла: нумайӑшӗ кивӗ чиркӳ карти айккипе хурӑнсен сулхӑнне тӑсӑла-тӑсӑла выртнӑ.

Страницăсем:

Corpus of the Chuvash language