New

Хӑй шурса кайнӑ.

Чиркӳ тума пуҫлани // Трубина Мархви. Трубина М. Ача чухнехи. Повесть. Калавсем. — Шупашкар, Чӑваш кӗнеке издательстви, 1981. — 288 с. — 3–192 с.

Епифан каяс умӗн пирӗн пата килсе ларчӗ.

Тепӗр кун кӑнтӑрлапа рабочисем кайрӗҫ.

Эпир ҫӑмӑллӑнах сывласа ятӑмӑр.

Стражник, нимӗн те чӗнмесӗр, хапха патнелле утрӗ, вара виҫҫӗшӗ те тухса кайрӗҫ.

— Суйса каларӗҫ пуль кунта тесе, — сӑмах хушрӗ вӗсенчен пӗри.

— Ҫук, урӑх ҫӗре тарнӑ пулӗ, — терӗ юлашкинчен стражник, тарлӑ ҫамкине тутӑрпа шӑлкаласа.

Манӑн чӗре кӑртлатсах кайрӗ.

Каялла таврӑннӑ чух кӗлет айккинчи тӗмесене сире-сире пӑхма тытӑнчӗҫ…

Кайран нӳхрепе анса пӑхрӗҫ, мунчана кӗчӗҫ, авӑн вучаххине те ҫитрӗҫ.

Унтан ансан, виҫҫӗшӗ те алкумне кӗчӗҫ, пӳртре, тӗпсакайӗнче, кӑмака ҫинче, урлӑ сак айӗнче — пӗтӗмпе тустарчӗҫ.

Стражник пусма тӑрӑх ҫӳлти сарайне улӑхса кайрӗ, унти утта тимӗр сенӗкпе тире-тире тухрӗ.

Лешсем, пӗр чулне тыткаласа пӑхрӗҫ те: — Ҫук, ку чулсене кӑларма вӑй ҫитерес ҫук, вӗсем ҫурри ытла ҫӗр ӑшӗнче, — терӗҫ.

Кун хыҫҫӑн кӗлет еннелле пӑха пуҫларӗ, хӑйпе пӗрле килнӗ ҫынсене кӗлет айӗнчи пысӑк чулсене катертме хушрӗ.

Унтан вӑл, кӗлете кӗрсе, пушӑ пӳлмесене пӑхса тухрӗ.

Хӑвна та тимӗрҫӗпе пӗрле тытса кайӑп! — татах кӑшкӑрчӗ стражник.

— Ҫук ҫынна ӑҫтан тупса парас ман? — терӗ пичче хумханнине пусарса, хура ҫемҫе мӑйӑхне ним пулман пек пӳрнисемпе чӗпӗткелесе.

Анне, шурса кайнӑ пит-куҫне тусанлӑ аллисемпе хупласа, йӗрсе ячӗ.

Вӑл револьверне пичче кӑкри еннелле тӗллерӗ, усал куҫӗпе кашкӑр пек пӑхса илчӗ.

— Тупса памасан, халех персе пӑрахатӑп!

Страницăсем:

Corpus of the Chuvash language