New

Сысна шӑрчӗ евӗр хӗрлӗрех ҫӳҫӗ ҫуланса курӑнать.

Аттене тытса хупни // Трубина Мархви. Трубина М. Ача чухнехи. Повесть. Калавсем. — Шупашкар, Чӑваш кӗнеке издательстви, 1981. — 288 с. — 3–192 с.

Ҫывӑраканӑн ҫамки тата лаптӑкрах сӑмси ҫине пӑрҫа пек тар тухнӑ.

Сарайӗнче тӳсме ҫук шӑрӑх.

Насус урапи еннелле урисене тӑсса, стражник месерле йӑванса кайнӑ, аллисене пуҫ айне чикнӗ, — хӑрлаттарса ыйха илет.

Эпир кӗтӗмӗр.

Икӗ айккинелле уҫӑлакан сарай алӑкӗ яр-уҫӑ.

Сарай ҫумӗнче йӗнерлӗ хура лаша пуҫне ухса тӑрать.

Эпир унта пӑртак пӑхкаласа тӑтӑмӑр та насус сарайӗ патнелле пытӑмӑр.

Пӳрт алӑкне, урлӑ сӑлӑп хурса, пӑрӑмлӑ ҫӑрапа питӗрнӗ, чӳречине хулӑн хӑмапа хытӑ ҫапса лартнӑ.

Эпир аннепе иксӗмӗр хурал пӳрчӗ патне тухрӑмӑр.

Хӑратӑп.

— Ҫук, пымастӑп, — терӗ аппа, — паҫӑр Иванпа иксӗмӗр хурал пӳрчӗ патне пытӑмӑр та, стражник мана чутах тытатчӗ.

Анне хатӗрленӗ япаласене илчӗ, ман алла суханне пачӗ.

Эпӗ, ҫӳлти сарайне хӑпарса, атте вырӑнӗ ҫинчен чӗлӗм, табак илсе антӑм.

Аппа пахчаран пӗр ывӑҫ сухан тӑпӑлтарса кӗчӗ.

Ҫӑкӑр касса хутаҫа чикрӗ, унтах шултра тӑвар тата пӗр кашӑк хучӗ.

Шурӑ таса чӗресе хурантан яшка антарчӗ, ҫиелтен ҫӳхе сурпанпа витрӗ.

Анне, лаҫҫа кӗрсе, атте валли апат хатӗрлеме пуҫларӗ.

— Аттене апат тата табакпа чӗлӗм леҫес пулать, — терӗ пичче, каткари шывпа ҫӑвӑнма пахчаналла утса.

— Пит ан тарӑх-ха, ачам, — йӑпатрӗ анне, унтан кӗлете кӗрсе, пичче валли шурӑ кӗпе илсе тухрӗ, хӑй пиччерен вӑрттӑн куҫҫульне шӑлсах тӑрать.

Страницăсем:

Corpus of the Chuvash language